Hei!
Eg heiter Hanna Maria van Zijp og er byplanleggjar, riksurbanist, motevitar, journalist, medmenneske og mykje anna.
Erfaringa mi strekk seg frå redaktørstyrte media via offentleg sektor, til arkitektbyrå og tech-startup. Nå jobbar eg med strategisk kommunikasjonsrådgjeving.
Derfor kan eg både byutvikling, formidling og historieforteljing. Snodig kombinasjon? Kan melda om at eg også har årsstudium i tre og metall.
Vil du vita meir?
Eit slags unique selling point:
Kva eg har gjort
-
Fekk første journalist-jobb som 17-åring og har heldt det gåande i ulike redaksjonelle roller frå desken i D2 til kulturjournalistikk i Dag og Tid. Eg har vore motespaltist i Aftenposten, journalist i Arkitektnytt (nå Arkitektur), og levert kronikkar til NRK Ytring.
-
Har nerda med mykje forskjellig, og tenkjer at alle bør ha studert både sløyd og motevitskap. Kron det med kunst- og arkitekturhistorie, så blir det fest!
-
Med Master of Science i by- og regionplanlegging frå NMBU, er eg opptatt av transportteknologi, sosial berekraft, arkitektur og alt mogleg anna. Ja, og ferjer, nullutsleppsteknologi og blå mobilitet i framtidas byregionar. Phew!
Kva eg kan
-
Munnleg, skriftleg eller snasen PowerPoint (ja, eg handterer også Office-pakken!): Eg kan formidla komplekse samanhengar til både fanden og hans oldemor. Eg skriv, snakkar og fortel gode historier.
-
Eg har bachelor i kultur og samfunn, master i byplanlegging og ein cand.mag.-slengar i motevitskap. Derfor kan eg samanhengen mellom historie, samfunnsutvikling, teknologi og estetikk. Og trivsel.
-
Eg ser samanhengar mellom fortid, nåtid og framtid i byen din. Det er utgangspunktet for å løysa vanskelege flokar – og finna dei beste vegane dit.
